25-nji aprelde Ýewropanyň kanunçykaryjylary Russiýada saklanýan ähli syýasy tussaglaryň, şol sanda žurnalistler Alsu Kurmaşewanyň we Ewan Gerşkowiçiň “dessine we öňünden hiç bir şert goýulmazdan azat edilmegine” çagyrýan rezolýusiýany oňladylar.
Bu rezolýusiýa Ýewropa Parlamentiniň Russiýada geçen aý geçirilen, “demokratik däl” diýlip häsiýetlendirilen prezidentlik saýlawlaryny we Russiýanyň Ukrainanyň içinde özüniň territoriýasyny “bikanun köpeltmegini” ýazgarýan bilelikdäki hereketiň bir bölegidir.
Rezolýusiýany kanunçykaryjylaryň 493-i goldady, 11-si oňa garşy çykdy we 18-si ses bermekden saklandy.
Dokumentde başga-da Wladimir Kara-Murza, Oleg Orlow, Kseniýa Fadeýewa, Iwan Safronow we Ilýa Ýaşin hem syýasy tussaglar hökmünde geçýär, şeýle-de olaryň azat edilmegine çagyrylýar.