Gazagystanyň demirgazygynda ýakynda dörän ozal-görlüp eşidilmedik suw joşmalary sebäpli öýlerini terk etmeli bolanlaryň arasyndan 38 müň 521 adam yzlaryna dolandy. Bu barada 29-njy aprelde Gazagystanyň Adatdan daşary ýagdaýlar ministrligi mälim etdi.
Suw joşmalary adaty bolmadyk maýyl howa sebäpli, garlaryň köpçülikleýin ýagdaýda eremegi sebäpli ýüze çykdy. Tebigy harasatyň täsir ýetiren sebitlerinden 120 müň adam, şol sanda 44 müň çaga ewakuasiýa edilipdi.
Ministrligiň beýanatyna görä, suwuň derejesiniň peselip başlamagy sebäpli, adatdan daşary ýagdaýlar gullugynyň işgärleriniň we harby gullukçylaryň ençemesi sebitden çykarylyp başlanypdyr.