24-nji martda Fransiýanyň günorta-gündogarynda Germaniýanyň "Germanwings" kompaniýasynyň "Airbus A320" uçary ýykyldy. Onuň bortunda 144 ýolagçy we 6 ekipaž agzasy bardy. Olaryň hiç biri aman galmady. Betbagtçylyk Estrop daglyk raýonynda boldy. Uçar Barselonadan Dýusseldorfa barýardy. Onuň üstünde 15 çemesi ýurduň raýaty bardy, emma ýolagçylaryň köpüsi germaniýaly we fransiýalydy. Heläkçilik bolan wagty bu raýondaky howa gowudy. Lufthansanyň wekilleri sişenbe güni giçlik munuň betbagtçylykly hadysa bolandygyny, beýleki aýdylýan zatlaryň ählisiniň çaklamadygyny aýtdy.
Fransiýadaky awiaheläkçilik
1
"Germanwings" uçarynyň ýykylan ýerinden alnan kadrlar.
2
Gözleg-halas ediş toparynyň agzalary heläkçilik bolan ýerde, Alp daglarynda, Seýn-lez-Alp obasyndan 10 km çemesi uzaklykda.
3
Ýykylan uçaryň bölekleri
4