Türkmenistanyň prezidenti G.Berdimuhamedow ýurduň Garaşsyzlygynyň 23 ýyllygy mynasybetli tussaglaryň günäsini geçmek baradaky karara gol çekdi.
Türkmenistanda döwlet derejesinde bellenilýän käbir baýramçylyklara gabatlap yglan edilýän günä geçişliklerde türkmen türmelerinde saklanylýan käbir daşary ýurt raýatlary hem azatlyga goýberilýär.
Bu çäräniň yglan edilmegi bilen, Owganystanyň Farýab welaýatynda ýaşaýan Öwezdurdy Hajy aga öz oglunyň Türkmenistanyň türmelerinde eýýäm dokuz ýyla golaý wagt bäri saklanylýandygyny aýdyp, onuň azatlyga goýberilmegine garaşýandygy barada Azatlyk Radiosynyň Kabuldaky habarçysy Şamerdanguly Myrada gürrüň berdi. Söhbetdeşligi aşakdaky düwmä basyp diňläp bilersiňiz.
