BMG-niň Ynsan Hukuklary boýunça Geňeşi tarapyndan döredilen täze komissiýa penşenbe güni Siriýanyň hökümetiniň ynsanýete garşy jenaýatçylykda günäkär bolmagynyň mümkindigini aýdyp, beýanat ýaýratdy.
Bu baradaky beýanatda käbir “ynamdar delilleriň” Siriýada belli-belli şahsyýetleriň, şol sanda goşun ýolbaşçylarynyň we ýokary derejeli hökümet resmileriniň ynsanýete garşy jenaýatçylyklarda hem-de hukuk bozmalarda jogapkärdiklerini görkezýändigi aýdylýar.
BMG-niň bu komissiýasy gürrüňi edilýän jenaýatçylyklara dahylly hasaplanylýan resmileriň sanawynda Siriýanyň prezidenti Başar al-Assadyň derejesine çenli ýokary derejeli resmileriň bardygyny aýdýar. Ýöne bu sanawdaky adamlaryň anyk atlary heniz jemgyýetçiligi elýeterli edilmedi.