Gazagystanda suw joşguny zerarly azyndan 25 adam heläk boldy
Gazagystanda suw joşguny zerarly azyndan 25 adamyň heläk bolandygy habar berilýär.
Almaty welaýatynda iki derýa bentiniň ýykylandygy aýdylýar.
Gyzyl Agaç obasynda 60-a golaý öý ýykyldy. Almaty-Ustkamenogorsk ýolundaky köpri hem ýykyldy. Bu regionda demirýol transportunyň işi doly togtadyldy.
Tebigy betbagytçylykdan zyýan ýeten regionlaryň ýaşaýjylary howpsuz ýerlere göçürilýär diýlip, habar berilýär.