Eýran: Türkmen gazyny Hazaryň üsti bilen Ýewropa akdyrmarys 

Eýranyň milli gaz eksport kompaniýasynyň direktory Reza Kazaizadanyň: “Biz Hazar deňziniň üsti bilen Türkmenistanyň Ýewropa gaz akdyrmagyna ýol bermeris” diýip, ýarym resmi Mehr habar agentligine 27-nji sentýabrda aýdandygyny eurasianet.org internet saýty ýazýar.

Onuň ýerine eýran çinownikleri Eýran territoriýasynyň üsti bilen gazyň gury ýerden geçmegini isleýärler.

Bu ABŞ tarapyndan goldanan, Merkezi Aziýanyň gazyny Orsýetden sowa Ýewropa akdyrjak gaz turba proýektine ýakymsyz signal-diýip, internet saýty ýazýar.